කාන්තා විස්සයි20 ලෝක කුසලානයේ ශ්‍රී ලංකා කණ්ඩායම නම් කරයි

දකුණු අප්‍රිකාවේදි පැවැත්වීමට නියමිත කාන්තා විස්සසයි20 ලෝක කුසලානයට සහභාගි වන ශ්‍රී ලංකා කණ්ඩායම එළිදක්වා ඇත.

 චමරි අතපත්තුගේ නායකත්වයෙන් යුත් මෙම සංචිතට ඇඟිල්ලේ ආබාධයකට ලක්වූ හසිනි පෙරේරාද ඇතුලත් වුවත් ඇය තරගාවලිටය සහභාගි නොවන බව වාර්තා වේ. එ වෙනුවෙන් අතිරේක ක්‍රීඩිකාවක් ලෙස සත්‍යා සංදීපනීද සංචිතයට ඇතුලත් කර ඇත.

 එමෙන්ම පසුගිය බාලිකා යොවුන් (19 න් පහළ) ලෝක කුසලානයේදී ශ්‍රී ලංකා කණ්ඩායම මෙහෙය වූ ගම්පහ රත්නාවලී බාලිකා විදුහලේ විෂ්මි ගුණරත්නද මෙම සංචිතයට ඇතුලත් වේ.

තරගාවලියට සහභාගි වන ශ්‍රී ලංකා සංචිතය

චමරි අතපත්තු (නායිකා), ඕෂධී රණසිංහ, හර්ෂිතා සමරවික්‍රම, හසිනි පෙරේරා (සහභාගි නොවේ), නිලක්ෂි ද සිල්වා, කවීෂා දිල්හාරි, අනුෂ්කා සංජීවනී, කුෂිනි නුත්‍යංගනා, මල්ෂා ෂෙහානි, ඉනෝකා රණවීර, සුගන්දිකා කුමාරි, අචිනි කුලසූරිය, විෂ්මි ගුණරත්න, තාරිකා සෙව්වන්දි, අමා කාංචනා, සත්‍යා සංදීපනී (හසිනි පෙරේරා වෙනුවට)